'అమీర్ లోగ్' కు బిగ్ బూస్ట్.. రంగంలోకి దిగిన రానా స్పిరిట్ మీడియా

అవ్వల్ నంబర్ ప్రొడక్షన్స్ ఎల్ఎల్‌పి బ్యానర్‌పై మాధవి రెడ్డి సోమ నిర్మించిన ‘అమీర్ లోగ్’ చిత్రానికి రమణ రెడ్డి సోమ దర్శకత్వం వహించారు. ఎంసీ హరి, మనోజ్, శశిధర్ ప్రధాన పాత్రల్లో నటించిన ఈ చిత్రంలో వేదశ్రీ, రావణ్ నిట్టూరు, విశ్వేందర్ రెడ్డి, సాయి యోగి కీలక పాత్రలు పోషించారు. ఇప్పటికే విడుదలైన ఫస్ట్ లుక్ పోస్టర్, టీజర్, రాహుల్ సిప్లిగంజ్ ఆలపించిన ‘అవ్వల్ దావత్’ పాట ప్రేక్షకుల నుంచి మంచి స్పందనను అందుకున్నాయి.

ఈ చిత్రాన్ని ఆంధ్రప్రదేశ్, తెలంగాణలో రానా దగ్గుబాటి ‘స్పిరిట్ మీడియా’ భారీ స్థాయిలో విడుదల చేయనుంది. సినిమా కథ, కంటెంట్ నచ్చడంతో స్పిరిట్ మీడియా పంపిణీ హక్కులను సొంతం చేసుకుంది. హైదరాబాద్‌కు చెందిన ముగ్గురు స్నేహితుల జీవిత ప్రయాణం ఆధారంగా తెరకెక్కిన ఈ యూత్‌ఫుల్ కమర్షియల్ ఎంటర్‌టైనర్ ప్రేక్షకులను ఆకట్టుకునేలా ఉండనుందని చిత్రబృందం తెలిపింది.