అఖిల్ అక్కినేని ‘లెనిన్’ టీజర్‌లో కొత్త మాస్ అవతార్

అఖిల్ అక్కినేని, భాగ్యశ్రీ బోర్స్ జంటగా నటిస్తున్న చిత్రం ‘లెనిన్’ జూన్ 26, 2026న విడుదలకు సిద్ధమవుతోంది. మురళి కిషోర్ అబ్బూరు దర్శకత్వంలో తెరకెక్కుతున్న ఈ సినిమా ఇప్పటికే చార్ట్‌బస్టర్ పాటలతో మంచి బజ్ క్రియేట్ చేసింది. నాగార్జున సినీ ప్రయాణానికి 40 ఏళ్లు పూర్తయిన సందర్భంగా మేకర్స్ ఈరోజు సర్‌ప్రైజ్ టీజర్ విడుదల చేశారు.

‘మనోడు వస్తున్నాడు’ అనే టైటిల్‌తో వచ్చిన ఈ టీజర్‌లో అఖిల్ పూర్తిగా కొత్త లుక్‌లో కనిపించారు. చిత్తూరు స్లాంగ్‌తో ఆయన డైలాగ్ డెలివరీ, మాస్ అవతార్, రగ్గడ్ లుక్ ప్రేక్షకులను ఆకట్టుకుంటున్నాయి. భాగ్యశ్రీతో కెమిస్ట్రీ, థమన్ ఇచ్చిన బ్యాక్‌గ్రౌండ్ స్కోర్ కూడా హైలైట్‌గా నిలిచాయి. చివరి షాట్‌లో అఖిల్ ప్రెజెన్స్ సినిమాపై అంచనాలను మరింత పెంచింది.