మీసాల పిల్ల హిట్ తర్వాత మాస్ బీట్‌తో అలరించనున్న భీమ్స్

మెగాస్టార్ చిరంజీవి మరియు అనిల్ రావిపూడి కలిసి చేస్తున్న మన శంకర వరప్రసాద్ గారు సినిమా వచ్చే 2026 సంక్రాంతికి విడుదల కానుంది. షైన్ స్క్రీన్, గోల్డ్ బాక్స్ ఎంటర్టైన్మెంట్స్ కలిసి ఈ సినిమాను నిర్మిస్తున్నారు. ఈ చిత్రానికి భీమ్స్ సిసిరోలియో సంగీతం అందిస్తున్నాడు. అనిల్ మరియు భీమ్స్ కాంబినేషన్ ముందుగా చేసిన సంక్రాంతికి వస్తున్నాం సినిమా హిట్‌ కావడంతో, అదే జోడీని ఈ మెగా సినిమాలో కూడా కొనసాగించారు.

సినిమా నుంచి వచ్చిన మొదటి పాట మీసాల పిల్ల పెద్ద హిట్ అయ్యింది. సోషల్ మీడియాలో వైరల్ అవుతూ చార్ట్ బస్టర్‌గా నిలిచింది. చిరంజీవి తన వయస్సులో కూడా అద్భుతమైన డ్యాన్స్ చూపించి అభిమానులను ఆకట్టుకున్నారు. ఈ హిట్‌తో పాటు భీమ్స్ సినిమాలో ఒక మాస్ బీట్ సాంగ్ కూడా రెడీ చేశాడని సమాచారం. చిరంజీవి సినిమాల్లో మాస్ పాటలకు ఉన్న క్రేజ్‌ను దృష్టిలో పెట్టుకుని, అభిమానులు ఎంజాయ్ అయ్యేలా ప్రత్యేకంగా ఈ బీట్‌ను కంపోజ్ చేశాడట.

భీమ్స్ ఈ మాస్ సాంగ్ కోసం చాలా ఫోకస్‌తో పనిచేసినట్టు తెలుస్తోంది. చిరంజీవి గత కాలం మాస్ వైబ్ గుర్తుకు వచ్చేలా ట్యూన్‌ను రూపొందించేందుకు అనిల్ రావిపూడి కూడా సూచనలు ఇచ్చాడట. అందుకే ఈ పాట, చిరంజీవి డ్యాన్స్‌తో కలిసి, ఫ్యాన్స్‌కి మరింత ఆనందాన్ని ఇచ్చేలా ఉంటుందని యూనిట్ చెబుతోంది.

ఈ సినిమాలో నయనతార హీరోయిన్‌గా నటిస్తోంది. అనిల్ రావిపూడి శైలికి తగ్గట్టు కామెడీ, ఎమోషన్‌, కుటుంబ భావాలు, అలాగే మెగా ఫ్యాన్స్ కోరుకునే మాస్ ఎలిమెంట్స్ అన్ని కలిపి ఈ సినిమా రూపొందుతున్నట్లు తెలుస్తోంది. యూనిట్‌లో కూడా ఈసారి చిరుతో చేసిన ఈ కాంబినేషన్‌ డబుల్ ఇంపాక్ట్ ఇస్తుందనే నమ్మకం ఉంది. చిరంజీవి కూడా సినిమా అవుట్‌పుట్ పట్ల చాలా హ్యాపీగా ఉన్నారని చెబుతున్నారు.

ఇదిలా ఉండగా, చిరంజీవి నటించిన మరో సినిమా విశ్వంభర కూడా రిలీజ్‌కి సిద్ధమవుతోంది. షూటింగ్ పూర్తయ్యి, ప్రస్తుతం VFX పనులు జరుగుతున్నాయి. వచ్చే సమ్మర్‌లో ఈ సినిమాను విడుదల చేయాలని టీమ్ ప్లాన్ చేస్తోంది. అయితే విడుదల చేసిన గ్లింప్స్ అనుకున్నంత బజ్ రావటంలేదనే ఫీడ్‌బ్యాక్ వచ్చింది. అందుకే చిరంజీవి స్వయంగా ఈ సినిమాకు ప్రమోషన్స్‌లో ఎక్కువ‌గా పాల్గొనాలని నిర్ణయించుకున్నారని సమాచారం.