‘జీ2’ కోసం మారిపోయిన అడివి శేష్!

‘గూఢచారి’ చిత్రానికి కొనసాగింపుగా తెరకెక్కుతున్న ‘జీ2’పై రోజురోజుకూ అంచనాలు పెరుగుతున్నాయి. స్పై యాక్షన్ థ్రిల్లర్‌గా రూపొందుతున్న ఈ చిత్రాన్ని అడివి శేష్ తన కెరీర్‌లో అత్యంత ప్రతిష్ఠాత్మక ప్రాజెక్ట్‌గా భావిస్తున్నట్లు తెలుస్తోంది. త్వరలో ప్రారంభం కానున్న తదుపరి చిత్రీకరణకు సిద్ధమవుతున్న ఆయన సోషల్ మీడియాలో పంచుకున్న తాజా ఫొటోలు అభిమానులను ఆకట్టుకున్నాయి. పూర్తిగా మారిన లుక్‌తో కనిపించిన శేష్ కొత్త మేకోవర్ ప్రస్తుతం నెట్టింట వైరల్‌గా మారింది.

క్లీన్ షేవ్ లుక్‌తో మరింత ఫిట్‌గా కనిపిస్తున్న అడివి శేష్, స్పై పాత్రకు తగ్గట్టుగా జిమ్‌లో తీవ్రంగా శిక్షణ తీసుకుంటున్నారు. వినయ్ కుమార్ సిరిగినీడి దర్శకత్వంలో తెరకెక్కుతున్న ఈ చిత్రంలో వామికా గబ్బి కథానాయికగా నటిస్తుండగా, ఇమ్రాన్ హష్మీ కీలక పాత్రలో కనిపించనున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా నిర్మిస్తున్న ఈ పాన్ ఇండియా స్పై థ్రిల్లర్‌పై ఇప్పటికే భారీ అంచనాలు నెలకొన్నాయి.