సినిమాలు
‘ప్రేమదేశం’తో అప్పట్లో సెన్సేషన్ అయిన అబ్బాస్ (Abbas).. 2015 లో నటనకు దూరమయ్యారు. ఆయన రీ ఎంట్రీ కోసం అభిమానులు ఆసక్తిగా ఎదురు చూస్తున్నారు. ఈ క్రమంలో త్వరలోనే అబ్బాస్ మళ్లీ తెరపై సందడి చేయనున్నారు. ‘హ్యాపీరాజ్’ (Happy Raj) అనే తమిళ సినిమాలో ఓ కీలక పాత్రతో ఇన్నేళ్లకు కోలీవుడ్, టాలీవుడ్ ప్రేక్షకులను పలకరించబోతున్నారు. ఈ సినిమా తెలుగులోనూ ఈ నెల 27న విడుదల కానుంది. ఈ సందర్భంగా హైదరాబాద్లో ఈ రోజు నిర్వహించిన ట్రైలర్ విడుదల వేడుకలో దర్శకుడు మరియా రాజా ఆసక్తి విషయాలు పంచుకున్నారు. ఈ చిత్రంలో నటించేందుకు అబ్బాస్ అంగీకరించేందుకు కారణమేంటి? ఇందులో హీరోగా జీవీ ప్రకాశ్ కుమార్ (GV Prakash Kumar) కన్నా ముందు ఎవరిని తీసుకోవాలనుకున్నారు? తదితర ప్రశ్నలకు సమాధానాలిచ్చారు.
హైదరాబాద్లో జరిగిన ట్రైలర్ విడుదల కార్యక్రమంలో దర్శకుడు మరియా రాజా ఆసక్తికర విషయాలు వెల్లడించారు. ముందుగా ఈ కథను నవీన్ పొలిశెట్టికి పంపినట్లు చెప్పారు. కథ నచ్చినా ఇతర పనుల కారణంగా ఆయన ఈ సినిమాలో నటించలేకపోయారు. తరువాత జీవీ ప్రకాశ్ కుమార్ హీరోగా అంగీకరించారు.
మంచి కథ కోసం అబ్బాస్ చాలా కాలంగా ఎదురు చూస్తున్నారని దర్శకుడు తెలిపారు. ఎన్నో కథలు విన్నా ఆయనకు నచ్చలేదని చెప్పారు. న్యూజిలాండ్లో ఉన్న ఆయనకు ఈ కథను ఆన్లైన్లో చెప్పగా, వెంటనే ఇది రీ ఎంట్రీకి సరైన కథ అని భావించి అంగీకరించారు. ట్రైలర్ లాంచ్ ఈవెంట్కు వెంకీ అట్లూరి మరియు శివ నిర్వాణ హాజరై సినిమా విజయాన్ని కోరుకున్నారు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!