ప్రదీప్ రావత్‌కు కన్నీటి వీడ్కోలు.. నివాళులర్పించిన ఆమిర్ ఖాన్

ప్రముఖ నటుడు ప్రదీప్ రావత్‌కు ముంబైలోని ఓషివారా శ్మశానవాటికలో బుధవారం అంత్యక్రియలు నిర్వహించారు. బ్లడ్ క్యాన్సర్‌తో ఆగస్టు 4న 74 ఏళ్ల వయసులో ఆయన కన్నుమూశారు. కుటుంబ సభ్యులు, స్నేహితులతో పాటు సినీ పరిశ్రమకు చెందిన పలువురు ప్రముఖులు హాజరై ఆయనకు కన్నీటి వీడ్కోలు పలికారు. ఆమిర్ ఖాన్, అశోక్ పండిట్, అఖిలేంద్ర మిశ్రా, రాజ్ అర్జున్ తదితరులు తుది నివాళులు అర్పించారు.

అంత్యక్రియల సమయంలో ప్రదీప్ రావత్ కుమారుడు విక్రమాదిత్య రావత్ భావోద్వేగానికి గురై తన తండ్రి చివరి క్షణాలను గుర్తు చేసుకున్నారు. తన తండ్రికి లభించిన ప్రేమ, గౌరవం చూసి ఆయన సంతోషించేవారని తెలిపారు. ఆమిర్ ఖాన్ ‘గజిని’లో ప్రదీప్ రావత్ పోషించిన ప్రతినాయక పాత్రను గుర్తుచేసుకుంటూ, ఆయన ధైర్యమైన నటన సినిమాకు ప్రత్యేక గుర్తింపును తీసుకొచ్చిందని పేర్కొన్నారు. సల్మాన్ ఖాన్ కూడా పాత ఫొటోను పంచుకుంటూ ఆయనకు నివాళులు తెలిపారు.