శేఖర్ మోడల్ నటిస్తూ తెరకెక్కిస్తున్న కొత్త చిత్రం

ప్రముఖ సినీ ప్రముఖులు వి. ఎన్. ఆదిత్య, అశోక్ కుమార్, సముద్ర, పద్మిని నాగులపల్లి, రామ సత్యనారాయణ, సత్య మాస్టర్ చేతుల మీదగా “ఒక్క అడుగు” చిత్ర టైటిల్ & ఫస్ట్ లుక్ ఘనంగా విడుదలైంది. సిరి క్రియేషన్స్ బ్యానర్‌పై శేఖర్ మోడల్ రచన, దర్శకత్వం, నిర్మాణం చేస్తూ, తానే కథానాయకుడిగా నటిస్తున్న ఈ చిత్రం త్వరలో ప్రేక్షకుల ముందుకు రానుంది. సుభాష్ ఆనంద్ సంగీతం, సతీష్ ముత్యాల సినిమాటోగ్రఫీ, రాఘవేందర్ ఎడిటింగ్ అందిస్తున్నారు.

ఈ సందర్భంగా పలువురు సినీ ప్రముఖులు మాట్లాడుతూ శేఖర్ మోడల్ ఒకే ప్రాజెక్ట్‌లో రచయిత, దర్శకుడు, నటుడు, నిర్మాతగా పనిచేయడం అభినందనీయమని తెలిపారు. మంచి కంటెంట్ ఉన్న సినిమాలు తప్పకుండా విజయం సాధిస్తాయని పేర్కొన్నారు. శేఖర్ మోడల్ మాట్లాడుతూ ఈ చిత్రం కోసం కొత్త ప్రతిభను ఎంపిక చేసుకుని కష్టపడి రూపొందించామని, ప్రేక్షకుల ఆశీర్వాదం కోరుకుంటున్నామని తెలిపారు.