పల్లెటూర్ల సీక్రెట్ ఫుడ్… సద్దన్నంపై డాక్టర్ల అభిప్రాయం

రాత్రంతా నానబెట్టిన అన్నంలో వేల కోట్లకు పైగా ప్రయోజనకరమైన బ్యాక్టీరియా ఉంటాయని నిపుణులు చెబుతున్నారు. పల్లెటూర్లలో ఇప్పటికీ పొలాలకు వెళ్లే వారు సద్దన్నం తిని వెళ్లడం సాధారణం. కారణం ఏమిటంటే, ఇందులో శరీరానికి అవసరమైన పోషకాలు సమృద్ధిగా ఉండటంతో పాటు అనేక అనారోగ్య సమస్యలను తగ్గించే గుణాలు ఉండటం. అయితే కొందరు ఉదయం లేవగానే మిగిలిన అన్నాన్ని పారేస్తారు. ఇలా చేయడం ద్వారా ఆరోగ్యానికి ఉపయోగపడే విలువైన ఆహారాన్ని వృథా చేస్తున్నట్టే అవుతుంది.

కడుపులో వేడి ఎక్కువై అలసటగా అనిపించే వారికి సద్దన్నం ఎంతో మేలు చేస్తుంది. ఇది శరీరాన్ని చల్లగా ఉంచి తక్షణ శక్తిని అందిస్తుంది. రాత్రి మిగిలిన అన్నాన్ని ఉదయాన్నే తింటే వచ్చే ఉత్సాహం ఇతర ఆహారాలతో పోలిస్తే ప్రత్యేకంగా ఉంటుంది. అందుకే బయట ఫాస్ట్ ఫుడ్‌లకు బదులుగా దీనిని రోజువారీ ఆహారంలో చేర్చుకోవడం ఆరోగ్యకరమైన ఎంపికగా భావించవచ్చు.

సద్దన్నం చర్మాన్ని కాంతివంతంగా ఉంచడంలో సహాయపడటంతో పాటు గ్యాస్ట్రిక్, ఎసిడిటీ వంటి సమస్యలను కూడా తగ్గిస్తుంది. కొన్ని దేశాల్లో దీనిని ప్రత్యేక పేర్లతో విక్రయిస్తున్నప్పటికీ, మనం మాత్రం దాని విలువను గుర్తించకుండా వృథా చేస్తున్నాము. దీనిని తినే విధానం కూడా సులభమే. రాత్రి మిగిలిన అన్నంలో పాలు లేదా కొద్దిగా పెరుగు కలిపి ఉంచితే ఉదయానికి అది రుచికరమైన పెరుగు అన్నంగా మారుతుంది. అందులో ఉల్లిపాయ, పచ్చిమిర్చి కలిపితే మరింత రుచిగా ఉంటుంది.

గమనిక: ఇక్కడ ఇచ్చిన సమాచారం కేవలం అవగాహన కోసం మాత్రమే. దీనికి మేము ఎలాంటి బాధ్యత వహించము. ఏవైనా ఆరోగ్య సమస్యలు ఉంటే తప్పనిసరిగా వైద్యుడిని లేదా న్యూట్రిషనిస్ట్‌ను సంప్రదించి వారి సలహా మేరకు అనుసరించండి.