పాదాల తిమ్మిర్ల? విటమిన్ B12 లోపానికి సంకేతం – డాక్టర్లు

మన శరీరం ఆరోగ్య సమస్యలను ముందుగానే సంకేతాల రూపంలో తెలియజేస్తుందని డాక్టర్లు చెబుతున్నారు. పాదాల్లో తిమ్మిర్లు, సూదులు గుచ్చినట్లు అనిపించడం, మంటలు లేదా నడకలో తడబడటం వంటి లక్షణాలు విటమిన్ B12 లోపానికి ముఖ్య హెచ్చరికలని వైద్య నిపుణులు తెలిపారు.

డాక్టర్ల ప్రకారం, విటమిన్ B12 నరాల వ్యవస్థ ఆరోగ్యానికి, ఎర్ర రక్త కణాల ఉత్పత్తికి, మెదడు పనితీరుకు అత్యంత కీలకం. ఈ విటమిన్ లోపం ఏర్పడితే నరాల రక్షణ పొర దెబ్బతిని ‘పారాస్తేసియా’ అనే సమస్య ఏర్పడుతుంది. దీని వల్ల పాదాలు మొద్దుబారిపోవడం, మంటలు రావడం వంటి సమస్యలు వస్తాయి.

వైద్యులు హెచ్చరిస్తున్నట్లు, ఈ లోపాన్ని నిర్లక్ష్యం చేస్తే జ్ఞాపకశక్తి మందగించడం, తీవ్రమైన నరాల బలహీనత, దీర్ఘకాలిక పక్షవాతం వంటి ప్రమాదాలు ఎదురయ్యే అవకాశం ఉంది. ముఖ్యంగా శాకాహారుల్లో B12 లోపం ఎక్కువగా కనిపిస్తుందని డాక్టర్లు చెబుతున్నారు.

డాక్టర్ల సూచనల ప్రకారం, పాలు, పెరుగు, జున్ను వంటి డైరీ ఉత్పత్తులు, గుడ్లు, చేపలు, మాంసాహారం ద్వారా B12 లభిస్తుంది. శాకాహారులు ఫోర్టిఫైడ్ ఆహారాలు లేదా వైద్యుల సలహాతో సప్లిమెంట్లు తీసుకోవడం మంచిదని సూచిస్తున్నారు. 

గమనిక: మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.