ఆకుకూరలను తినే ముందు పాటించాల్సిన ముఖ్యమైన చిట్కాలు - డాక్టర్ల

ఆకుకూరలు మన ఆరోగ్యానికి ఎంతో మేలు చేస్తాయి. అయితే వాటిని వండే ముందు కొన్ని ముఖ్యమైన జాగ్రత్తలు తీసుకోవడం అవసరం. చాలా మంది మార్కెట్ నుండి తెచ్చిన ఆకుకూరలను నేరుగా కోసి వండేస్తుంటారు. కానీ ఇది సరైన విధానం కాదని నిపుణులు హెచ్చరిస్తున్నారు. ఆకుకూరలు సాధారణంగా మట్టిలో పెరుగుతాయి కాబట్టి వాటికి మట్టి, దుమ్ము అంటుకుని ఉంటుంది. వాటిని సరిగా కడగకుండా వండితే ఆ మలినాలు శరీరంలోకి వెళ్లి అనారోగ్యానికి కారణం కావచ్చు. అందుకే వండే ముందు ఒకటి లేదా రెండుసార్లు శుభ్రంగా కడగడం చాలా అవసరం.

ఆకుకూరలను శుభ్రం చేయాలంటే ముందుగా చేతితో ఆకులను విడదీయాలి. తరువాత వాటిని దులిపి కొంత వరకు మురికి తొలగించాలి. తర్వాత ఒక పెద్ద గిన్నెలో నీళ్లు తీసుకుని ఆకుకూరలను చిన్న ముక్కలుగా చేసి అందులో వేసి 3-4 సార్లు కడగాలి. ఇలా చేయడం ద్వారా దుమ్ము, మట్టి పూర్తిగా తొలగిపోతాయి. పురుగులు తొలగించాలనుకుంటే ఒక టీస్పూన్ బేకింగ్ సోడాను నీటిలో కలిపి 15 నిమిషాలు నానబెట్టాలి. ఆ తర్వాత శుభ్రమైన నీటితో రెండు మూడు సార్లు కడిగితే ఆకుకూరలు పూర్తిగా శుభ్రంగా అవుతాయి. అవసరమైతే వెనిగర్ నీటిలో కూడా నానబెట్టవచ్చు.

ఆకుకూరలను మరింత సులభంగా శుభ్రం చేయడానికి మెష్ బ్యాగ్‌ను కూడా ఉపయోగించవచ్చు. తరిగిన ఆకుకూరలను బ్యాగ్‌లో పెట్టి, నీటితో నింపిన పెద్ద బకెట్ లేదా కుండలో ముంచి కడగాలి. దీనివల్ల దుమ్ము, ధూళి మరియు కీటకాలు సులభంగా తొలగిపోతాయి. అదేవిధంగా ఉప్పు నీటిలో కడిగినా పురుగులు సులభంగా పోతాయి. ఆకుకూరలను ఒకేసారి కాకుండా మూడు భాగాలుగా విడదీసి 2-3 సార్లు శుభ్రంగా కడగడం మంచిది. ఈ చిట్కాలను పాటించడం ద్వారా ఆకుకూరల పోషకాలను పొందుతూ ఆరోగ్యాన్ని కాపాడుకోవచ్చు.

గమనిక : ఈ సమాచారం సాధారణ అవగాహన కోసం మాత్రమే ఇవ్వబడింది. ఇది వైద్య సలహాగా పరిగణించరాదు. ఆరోగ్యం లేదా ఆహారానికి సంబంధించిన నిర్ణయాలు తీసుకునే ముందు తప్పనిసరిగా వైద్యుడిని లేదా ఆరోగ్య నిపుణులను సంప్రదించండి.