డాక్టర్ల హెచ్చరిక: మళ్లీ వేడి చేసిన టీ కాలేయం, జీర్ణక్రియకు హానికరం

టీ చాలా మందికి రోజువారీ జీవితంలో భాగమే. అయితే ఒకసారి కాచిన టీని మళ్లీ వేడి చేసి తాగడం ఆరోగ్యానికి ప్రమాదకరమని వైద్యులు, నిపుణులు హెచ్చరిస్తున్నారు. ఇటీవల జరిగిన అధ్యయనాల ప్రకారం, టీ కాచిన తర్వాత 15–20 నిమిషాల్లోనే తాగాలి. ఎక్కువసేపు ఉంచిన టీని మళ్లీ వేడి చేయడం వల్ల అందులో బ్యాక్టీరియా పెరిగే అవకాశం ఉందని డాక్టర్లు చెబుతున్నారు. ఈ అలవాటు కాలేయం, జీర్ణవ్యవస్థపై ప్రతికూల ప్రభావం చూపి ఆమ్లత్వం, కడుపు మంట వంటి సమస్యలకు దారి తీస్తుంది.

ప్రత్యేకంగా పాలతో చేసే టీ మరింత ప్రమాదకరమని నిపుణులు సూచిస్తున్నారు. పాలు త్వరగా చెడిపోతాయి కాబట్టి మళ్లీ వేడి చేయడం వల్ల పోషకాలు నశించి టీ విషపూరితంగా మారే అవకాశం ఉందని డాక్టర్లు చెబుతున్నారు. ఆయుర్వేద వైద్యుల ప్రకారం కూడా టీని నిల్వ చేయడం లేదా పదే పదే వేడి చేయడం వల్ల శరీరంలో విషపదార్థాలు చేరి జీర్ణక్రియ మందగిస్తుంది. కాబట్టి ఆరోగ్యం దృష్ట్యా ప్రతిసారి తాజా టీనే తయారు చేసుకొని తాగాలని వైద్యులు గట్టిగా సూచిస్తున్నారు. 

గమనిక : మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.