శరీరంలోని కేలరీలను కరిగించనున్న బ్రౌన్ ఫ్యాట్, అధ్యయనం వెల్లడి

డాక్టర్లు మరియు పరిశోధకుల అభిప్రాయం ప్రకారం, శీతాకాలంలో చలి పెరగడంతో శరీర జీవక్రియ నెమ్మదించి బరువు పెరిగే అవకాశాలు ఉంటాయి. అయితే డిసెంబర్ 16 న నేచర్ జర్నల్‌లో ప్రచురితమైన తాజా అధ్యయనం బ్రౌన్ ఫ్యాట్ అనే ప్రత్యేకమైన కొవ్వు పాత్రను వెల్లడించింది. చల్లని వాతావరణానికి గురైనప్పుడు ఈ బ్రౌన్ ఫ్యాట్ సహజంగా కేలరీలను బర్న్ చేసి శరీరానికి ఉష్ణాన్ని అందిస్తుంది.

వైద్యుల మాటల్లో, సరైన జీవనశైలి మరియు నియంత్రితంగా చలిని అనుభవించడం వల్ల బరువు పెరగకుండా, బరువు తగ్గే అవకాశం కూడా ఉంటుంది. బ్రౌన్ ఫ్యాట్ జీవక్రియను చురుకుగా చేసి ఊబకాయం, మధుమేహం వంటి సమస్యల ముప్పును తగ్గించడంలో సహాయపడుతుంది. కోట్లాది సంవత్సరాలుగా క్షీరదాలలో ఉన్న ఈ సహజ విధానం, భారత్‌ వంటి దేశాల్లో పెరుగుతున్న జీవక్రియ సంబంధిత రుగ్మతల నేపథ్యంలో ఇప్పుడు మరింత ప్రాధాన్యం సంతరించుకుంటోందని డాక్టర్లు చెబుతున్నారు. 

గమనిక : మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.