మళ్లీ ‘డార్లింగ్’ మ్యాజిక్ రిపీట్ అవుతుందా?

దర్శకుడు కరుణాకరన్, ప్రభాస్, పీపుల్ మీడియా ఫ్యాక్టరీ కాంబినేషన్‌లో ఓ సినిమా రాబోతుందంటూ ఇటీవల సోషల్ మీడియాలో వార్తలు చక్కర్లు కొట్టాయి. ప్రభాస్ కెరీర్‌లో మంచి విజయాన్ని అందుకున్న రొమాంటిక్ ఎంటర్‌టైనర్ ‘డార్లింగ్’కు కొనసాగింపుగా ఈ సినిమా ఉండబోతోందని, ప్రస్తుతం కథా చర్చలు, స్క్రిప్ట్ పనులు జరుగుతున్నాయని ప్రచారం జరిగింది. అయితే తాజా సమాచారం ప్రకారం ఈ వార్తల్లో ఎలాంటి నిజం లేదని తెలుస్తోంది. ప్రస్తుతం అలాంటి ప్రాజెక్ట్ ఏదీ తెరకెక్కడం లేదని సినీ వర్గాల్లో టాక్ వినిపిస్తోంది. ఈ కాంబినేషన్‌పై ప్రభాస్, దర్శకుడు కరుణాకరన్ లేదా నిర్మాణ సంస్థ నుంచి ఎలాంటి అధికారిక ప్రకటన రాలేదు.

మరోవైపు ప్రభాస్ ప్రస్తుతం ‘స్పిరిట్’, ‘కల్కి 2’, ‘ఫౌజీ’ వంటి చిత్రాలతో బిజీగా ఉన్నాడు. ఈ ప్రాజెక్టుల తర్వాత ఆయన మరో సినిమాకు ఇంకా సంతకం చేయలేదని సమాచారం. దీంతో తదుపరి ప్రభాస్ ఏ దర్శకుడితో సినిమా చేయబోతున్నాడనే ఆసక్తి అభిమానుల్లో నెలకొంది. ఆయన భవిష్యత్తు ప్రాజెక్టులపై అధికారిక ప్రకటన కోసం ఫ్యాన్స్ ఎదురుచూస్తున్నారు. ప్రస్తుతానికి ప్రభాస్ తదుపరి సినిమా ఎవరితో ఉంటుందనే విషయంలో స్పష్టత లేదు.