సమంత ‘మా ఇంటి బంగారం’ రిలీజ్‌పై సందిగ్ధత?

స్టార్ హీరోయిన్ సమంత రూత్ ప్రభు ఒకప్పుడు టాలీవుడ్‌ను శాసించినప్పటికీ ప్రస్తుతం కెరీర్‌లో కీలక దశలో ఉన్నారు. ఇటీవల ఆమె సినిమాలు ఆశించిన స్థాయిలో విజయం సాధించకపోవడంతో ‘మా ఇంటి బంగారం’ సినిమాపై భారీ అంచనాలు నెలకొన్నాయి. ఈ చిత్రానికి నందిని రెడ్డి దర్శకత్వం వహించగా, షూటింగ్ ఇప్పటికే పూర్తయింది. మే 15న విడుదల చేయాలని మొదట ప్లాన్ చేసిన ఈ సినిమా పోస్టర్లు అభిమానుల్లో ఆసక్తిని పెంచాయి.

అయితే తాజా సమాచారం ప్రకారం ఈ సినిమా విడుదల వాయిదా పడే అవకాశాలు కనిపిస్తున్నాయి. జూన్ తొలి వారం లేదా జూలైలో కొత్త రిలీజ్ తేదీ ప్రకటించే అవకాశముందని ఇండస్ట్రీ వర్గాలు చెబుతున్నాయి. కొందరు పోస్ట్ ప్రొడక్షన్ పనులు పూర్తికాలేదని చెబుతుండగా, మరికొందరు సరైన సమయం కోసం మేకర్స్ వేచి చూస్తున్నారని అంటున్నారు. ఇదిలా ఉండగా రాజ్ నిడిమోరు‌తో సమంత వివాహం తర్వాత తీసుకున్న నిర్ణయాలు కూడా చర్చనీయాంశంగా మారాయి. ఈ సినిమాతో ఆమె మళ్లీ సక్సెస్ ట్రాక్‌లోకి వస్తారని అభిమానులు ఆశిస్తున్నారు.