‘బ్లడీ రోమియో’గా నాని.. అక్టోబర్‌లోనే సెట్స్‌పైకి నేచురల్ స్టార్?

‘ది ప్యారడైజ్’ సినిమాతో బాక్సాఫీస్ వద్ద మంచి విజయాన్ని అందుకున్న నేచురల్ స్టార్ నాని, ఇప్పుడు తన తదుపరి చిత్రం ‘బ్లడీ రోమియో’పై దృష్టి సారించారు. యువ దర్శకుడు సుజీత్ తెరకెక్కించనున్న ఈ యాక్షన్ ఎంటర్‌టైనర్‌లో నాని విభిన్నమైన పాత్రలో కనిపించనున్నట్లు సమాచారం. ఈ సినిమాలో ఆయన ఒకవైపు చెఫ్‌గా, మరోవైపు గ్యాంగ్‌స్టర్‌గా కనిపించనున్నారనే ప్రచారం ఆసక్తిని పెంచుతోంది. ఈ పాత్ర కోసం నాని గ్యాంగ్‌స్టర్ మోడ్‌లోకి అడుగుపెట్టేందుకు సిద్ధమవుతున్నట్లు తెలుస్తోంది.

తాజా సమాచారం ప్రకారం, అక్టోబర్ 16 లేదా 17 నుంచి ఈ సినిమా చిత్రీకరణ ప్రారంభమయ్యే అవకాశం ఉంది. నిహారిక ఎంటర్‌టైన్‌మెంట్స్ ఈ చిత్రాన్ని నిర్మిస్తోంది. వచ్చే ఏడాదిలో సినిమాను విడుదల చేయాలని మేకర్స్ భావిస్తున్నట్లు ప్రచారం జరుగుతోంది. అయితే, ఇతర నటీనటులు, కథకు సంబంధించిన పూర్తి వివరాలు, అధికారిక విడుదల తేదీ ఇంకా వెల్లడికావాల్సి ఉంది. నాని కొత్త గెటప్, గ్యాంగ్‌స్టర్ పాత్ర ఎలా ఉండబోతున్నాయో తెలుసుకోవడానికి అభిమానులు ఆసక్తిగా ఎదురుచూస్తున్నారు.