మరో స్టార్ హీరోతో శ్రీలీల జోడీ.. నిజమేనా?

తన ఎనర్జిటిక్ స్క్రీన్ ప్రెజెన్స్, డ్యాన్స్‌తో ప్రత్యేక గుర్తింపు తెచ్చుకున్న శ్రీలీల, కొన్ని సినిమాలు మాత్రమే భారీ విజయాలు సాధించినప్పటికీ మంచి అభిమాన వర్గాన్ని ఏర్పరుచుకుంది. ప్రస్తుతం తెలుగులో కొత్త సినిమాలు లేకపోయినా తమిళ చిత్రసీమలో మాత్రం వరుస అవకాశాలు అందుకుంటూ కెరీర్‌ను ముందుకు తీసుకెళ్తోంది. ఇప్పటికే ధనుష్ సరసన ఓ సినిమాలో నటిస్తున్న ఆమెకు మరో భారీ అవకాశం దక్కినట్లు వార్తలు వినిపిస్తున్నాయి.

కోలీవుడ్ వర్గాల సమాచారం ప్రకారం, ప్రస్తుతం స్క్రిప్ట్ దశలో ఉన్న రజినీకాంత్ తదుపరి చిత్రంలో కీలక పాత్ర కోసం శ్రీలీలను ఎంపిక చేసినట్లు ప్రచారం జరుగుతోంది. అయితే ఈ ప్రాజెక్ట్‌కు సంబంధించిన దర్శకుడు, ఇతర వివరాలపై ఇప్పటివరకు అధికారిక ప్రకటన రాలేదు. అయినప్పటికీ సూపర్ స్టార్ సినిమాతో శ్రీలీల పేరు వినిపించడంతో అభిమానులు ఆనందం వ్యక్తం చేస్తున్నారు.