‘ఐఏఎస్ సింగం’ పొలిటికల్ ఎంట్రీ ఇస్తారా?

మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ కమిషనర్ తుకారాం ముండే కఠిన నిర్ణయాలు, నిబంధనల అమలుతో ప్రజల ప్రశంసలు అందుకుంటున్నారు. రాష్ట్రవ్యాప్తంగా రెస్టారెంట్లు, ఆహార కేంద్రాలు, గోదాముల్లో తనిఖీలు నిర్వహిస్తూ అపరిశుభ్రత, గడువు ముగిసిన ఉత్పత్తులపై చర్యలు తీసుకుంటున్నారు. రాజకీయాల్లోకి వస్తారా అని ప్రశ్నించగా, తాను రాజకీయాల్లోకి రావాలనుకోవడం లేదని స్పష్టం చేశారు. తాను సూటిగా మాట్లాడే వ్యక్తినని, రాజకీయాల్లో అలాంటి స్వభావం ఎంతవరకు సరిపోతుందో తెలియదని అన్నారు.

తనకు తానే సవాళ్లు విసురుకోవడం ఇష్టమని ముండే తెలిపారు. కేవలం మూడు నెలల్లోనే ఆయన విభాగం వేలాది తనిఖీలు నిర్వహించి, భారీ మొత్తంలో ఉత్పత్తులను స్వాధీనం చేసుకోవడంతో పాటు పలు సంస్థల లైసెన్సులను నిలిపివేసింది. తన కఠిన పరిపాలనా వైఖరి కారణంగా 21 ఏళ్ల కెరీర్‌లో దాదాపు 25 సార్లు బదిలీ అయినట్లు తెలిపారు. తనకు ఇష్టమైన ముఖ్యమంత్రి ఎవరని అడగగా, “అందరూ నాకు ఇష్టమైనవారే” అంటూ చమత్కరించారు.