కోల్‌కతాలో భారీ ప్రమాదం..

కోల్‌కతాలో నిర్మాణంలో ఉన్న ఒక గోడౌన్ అకస్మాత్తుగా కుప్పకూలి ఘోర విషాదానికి దారితీసింది. ఈ ప్రమాదంలో ఇప్పటివరకు కనీసం ఎనిమిది మంది కార్మికులు మృతి చెందినట్లు సమాచారం. ప్రమాదం జరిగిన సమయంలో అక్కడ సుమారు 50 నుంచి 60 మంది వరకు కార్మికులు పనిచేస్తున్నట్లు అధికారులు తెలిపారు. పలువురు గాయపడగా, వారిని వెంటనే సమీప ఆస్పత్రులకు తరలించి చికిత్స అందిస్తున్నారు.

ప్రమాదం జరిగిన వెంటనే సహాయక బృందాలు ఘటనా స్థలానికి చేరుకుని శిథిలాల తొలగింపు పనులు చేపట్టాయి. ఇంకా 40 మందికిపైగా కార్మికులు శిథిలాల కింద చిక్కుకుని ఉండవచ్చని అధికారులు అనుమానిస్తున్నారు. భారీ యంత్రాలు, ప్రత్యేక పరికరాల సహాయంతో సహాయక చర్యలు కొనసాగుతున్నాయి. మృతుల సంఖ్య మరింత పెరిగే అవకాశం ఉండటంతో అధికారులు పరిస్థితిని నిరంతరం పర్యవేక్షిస్తున్నారు.