‘‘సత్యం మా వైపే ఉంది. మా ధైర్యాన్ని ఎవరూ దెబ్బతీయలేరు’’ - కర్ణాటక సీఎం డీకే శివకుమార్

కర్ణాటక సీఎం డీకే శివకుమార్ ఢిల్లీలో శాంతియుతంగా నిరసన చేపట్టిన ఎన్నికైన ప్రజాప్రతినిధులను ఢిల్లీ పోలీసులు అదుపులోకి తీసుకుని, ఈడ్చుకెళ్లి, దురుసుగా వ్యవహరించిన తీరును తీవ్రంగా ఖండించారు. రాహుల్ గాంధీ, ప్రియాంక గాంధీ వాద్రాతో పాటు ఇతర ఇండియా కూటమి నేతలు తమ ప్రజాస్వామ్య హక్కులో భాగంగా ఎన్నికల ప్రక్రియపై ప్రశ్నలు అడిగి, జవాబుదారీతనాన్ని కోరుతూ నిరసన చేపట్టారని పేర్కొన్నారు. ప్రియాంక గాంధీతో పాటు ఇతర మహిళా నేతల పట్ల పోలీసులు వ్యవహరించిన తీరు తీవ్రంగా ఆందోళన కలిగించిందన్నారు.

ప్రత్యేక సవరణ ప్రక్రియ, ఓటర్ల జాబితాలు, ప్రతి పౌరుడి ఓటు హక్కు రక్షణకు సంబంధించిన అంశాలపై పారదర్శకత, సమాధానాలు అవసరమని డీకే శివకుమార్ అన్నారు. విభేదాలను అణచివేయడం ద్వారా ప్రజాస్వామ్యం బలోపేతం కాదని, అధికారంలో ఉన్నవారు ప్రశ్నలను వినేందుకు, సమాధానాలు ఇచ్చేందుకు సిద్ధంగా ఉన్నప్పుడే ప్రజాస్వామ్యం మరింత బలపడుతుందని చెప్పారు. ‘‘సత్యం మా వైపే ఉంది. మా ధైర్యాన్ని ఎవరూ దెబ్బతీయలేరు’’ అని ఆయన స్పష్టం చేశారు. ప్రతి ఓటు పవిత్రతను, ప్రజలకు ప్రజాస్వామ్యంపై ఉన్న నమ్మకాన్ని కాపాడాలని పిలుపునిస్తూ ‘జై సంవిధాన్’ అని పేర్కొన్నారు.