వ్యవస్థ వైఫల్యం యువత కలలకు దెబ్బ: రాహుల్ గాంధీ

ప్రశ్నపత్రాల లీక్‌లు, పరీక్షల రద్దు, నియామకాల ఆలస్యం వంటి సమస్యలు కేవలం వ్యవస్థ వైఫల్యం మాత్రమే కాకుండా లక్షల మంది యువత కలలకు తీవ్ర దెబ్బ అని కాంగ్రెస్ అగ్రనేత రాహుల్ గాంధీ వ్యాఖ్యానించారు. ఈ సమస్యలపై దేశవ్యాప్తంగా ఉద్యమాలు చేపడతామని కాంగ్రెస్ ప్రకటించింది.

కోటాలో జరగనున్న తొలి విద్యార్థి సదస్సుకు ముందు ‘ఎక్స్’లో స్పందించిన రాహుల్, యువతకు కలలు కనడం కూడా శిక్షగా మారిందని వ్యాఖ్యానించారు. ప్రభుత్వం సమస్యలు వినకపోతే మరింత గట్టిగా పోరాడాలని ఆయన పిలుపునిచ్చారు.

ఈ నెల 17న కోటాలో జరిగే సదస్సును పెద్ద ఉద్యమంగా మార్చాలని రాహుల్ గాంధీ కోరారు. ఇది యువత భవిష్యత్తు కోసం జరిగే పోరాటమని, తాను వారికి పూర్తి మద్దతుగా ఉంటానని ఆయన హామీ ఇచ్చారు.