పేపర్ లీక్‌లపై కేంద్రం కఠిన చట్టం అమలు

ప్రభుత్వ నియామకాలు, ప్రవేశ పరీక్షల్లో పేపర్ లీకులు, అక్రమాలను అరికట్టేందుకు తీసుకొచ్చిన పబ్లిక్ ఎగ్జామినేషన్స్ (సవరణ) చట్టం-2026కు రాష్ట్రపతి ద్రౌపది ముర్ము ఆమోదం తెలిపారు. ఈ చట్టం అమల్లోకి రావడంతో పరీక్షల్లో మోసాలు, ప్రశ్నాపత్రాల లీకేజీలపై మరింత కఠిన చర్యలు తీసుకునే అవకాశం ఏర్పడింది.

ఈ చట్టం ప్రకారం నిందితులకు 5 నుంచి 10 సంవత్సరాల జైలు శిక్షతో పాటు రూ.50 లక్షల వరకు జరిమానా విధించవచ్చు. వ్యవస్థీకృత నేరాలకు కనీసం 7 సంవత్సరాల జైలు శిక్ష, రూ.10 కోట్ల వరకు జరిమానా విధించే నిబంధనలు ఉన్నాయి. అలాగే కేసుల దర్యాప్తును రెండు నెలల్లో, విచారణను మూడు నెలల్లో పూర్తి చేసేందుకు ప్రత్యేక ఫాస్ట్‌ట్రాక్ కోర్టులు, స్పెషల్ టాస్క్‌ఫోర్స్ ఏర్పాటు చేయాలని చట్టంలో పేర్కొన్నారు.