‘కాక్‌రోచ్ జనతా పార్టీ’ ట్రెండ్‌పై శశి థరూర్ స్పందన

కాంగ్రెస్ ఎంపీ శశి థరూర్ వైరల్‌గా మారిన “కాక్‌రోచ్ జనతా పార్టీ” ట్రెండ్‌పై స్పందించారు. ఈ ట్రెండ్‌కు యువత నుంచి వచ్చిన భారీ మద్దతు, యువతలో పెరుగుతున్న అసంతృప్తిని సూచిస్తుందని ఆయన వ్యాఖ్యానించారు. ఎక్స్ (X)లో ఈ అకౌంట్ నిలిపివేతపై స్పందిస్తూ, ప్రజాస్వామ్యంలో హాస్యం, వ్యంగ్యం, విమర్శలకు స్థానం ఉండాలని, వాటిని అణచివేయడం సరైంది కాదని అన్నారు.

ఈ డిజిటల్ ఉద్యమానికి వచ్చిన ఆదరణ యువత మార్పు కోరుకుంటున్నారని, వారి సమస్యలు వినిపించుకోవాలని కోరుకుంటున్నారని థరూర్ పేర్కొన్నారు. ఈ ఆన్‌లైన్ ట్రెండ్ భవిష్యత్తులో ప్రధాన రాజకీయాలపై ప్రభావం చూపవచ్చని ఆయన అభిప్రాయపడ్డారు. రాజకీయ పార్టీలు యువత సందేశాన్ని గమనించాలని సూచించారు.