నేపాల్‌ జలవిలయంలో పెరుగుతున్న మృతుల సంఖ్య

నేపాల్‌లో ఆగస్టు 26న సంభవించిన భారీ జలవిలయం తీవ్ర విషాదాన్ని మిగిల్చింది. వరదలు, కొండచరియల విరిగిపడటంతో మృతుల సంఖ్య సోమవారం నాటికి 903కు చేరుకోగా, సుమారు 4,200 మంది ఆచూకీ లభించలేదని నేపాల్‌ అధికారులు తెలిపారు. నేపాల్‌ సైన్యం, పోలీసులు, సాయుధ పోలీసు దళాలు నిరంతరం సహాయక చర్యలు చేపడుతున్నప్పటికీ క్లిష్టమైన భౌగోళిక పరిస్థితులు, మట్టి, శిథిలాల కారణంగా గాలింపు చర్యలకు తీవ్ర ఆటంకాలు ఎదురవుతున్నాయి. ఆధునిక పరికరాల కొరత కూడా రెస్క్యూ బృందాలకు సవాలుగా మారింది.

ముఖ్యంగా జలవిద్యుత్‌ ప్రాజెక్టుల సొరంగాల్లో గల్లంతైన వారి కోసం ప్రత్యేక చర్యలు కొనసాగుతున్నాయి. త్రిశూలీ, భోటెకోశీ నదుల పరివాహక ప్రాంతాల్లోని పలు జలవిద్యుత్‌ ప్రాజెక్టుల్లో మొత్తం 933 మంది గల్లంతైనట్లు విపత్తు నిర్వహణ అధికారులు తెలిపారు. ఇప్పటివరకు 279 మందిని సొరంగాల నుంచి రక్షించినప్పటికీ, మరికొందరి పరిస్థితి ఇంకా తెలియరాలేదు. భారీ మట్టి, శిథిలాలను తొలగిస్తూ కూలీలు, రెస్క్యూ బృందాలు సొరంగాల్లో చిక్కుకున్న వారి కోసం గాలిస్తున్నారు. భారత్‌, చైనా సహా ఇతర దేశాల నిపుణుల సహకారంతో సహాయక చర్యలు మరింత ముమ్మరమయ్యాయి.