వరుస ఘటనలతో బిర్యానీ ప్రియుల్లో భయం

ఖమ్మం నగరంలో ఆహార భద్రతపై ఆందోళనలు పెరుగుతున్నాయి. గత నెల రోజులలో బిర్యానీ కేంద్రాలు, రెస్టారెంట్లలో కల్తీ ఆహారం, పరిశుభ్రత లోపాలపై పలువురు వినియోగదారులు ఫిర్యాదులు చేశారు. ఒక ఘటనలో ఆరుగురు కుటుంబ సభ్యులు బిర్యానీ తిన్న తర్వాత అస్వస్థతకు గురయ్యారు. మరో ఘటనలో బిర్యానీలో బల్లి అవశేషాలు కనిపించగా, మరో రెస్టారెంట్‌లో బొద్దింక కనిపించడం కలకలం రేపింది.

ఆహార భద్రతా నిబంధనలు పాటించని హోటళ్లు, రెస్టారెంట్లపై కఠిన చర్యలు తీసుకోవాలని ప్రజలు కోరుతున్నారు. అనుమతులు లేకుండా నడుస్తున్న వ్యాపార సంస్థలపై తనిఖీలు నిర్వహించి చర్యలు తీసుకోవాలని డిమాండ్ చేస్తున్నారు. లైసెన్సులు లేకుండా నిర్వహిస్తున్న హోటళ్లు, రెస్టారెంట్లపై కేసులు నమోదు చేస్తామని అధికారులు హెచ్చరించారు.