విద్య, క్రీడలు చిన్నారుల జీవితాలను మార్చగల శక్తివంతమైన సాధనాలు: నీతా అంబానీ

రిలయన్స్ ఫౌండేషన్ చైర్‌పర్సన్ మరియు ధీరూభాయ్ అంబానీ ఇంటర్నేషనల్ స్కూల్ వ్యవస్థాపకురాలు నీతా అంబానీ, విద్య మరియు క్రీడలు ప్రతి చిన్నారి జీవితాన్ని మార్చగల శక్తివంతమైన సాధనాలని పేర్కొన్నారు. “అందరికీ విద్య, క్రీడలు” కార్యక్రమంలో భాగంగా ఆమె ఈ వ్యాఖ్యలు చేశారు. పేద మరియు వెనుకబడిన కుటుంబాలకు చెందిన పిల్లలకు విద్యతో పాటు క్రీడల్లో అవకాశాలు కల్పించడమే ఈ కార్యక్రమం ప్రధాన లక్ష్యమని తెలిపారు.

ఈ కార్యక్రమంలో భాగంగా వాంఖడే స్టేడియంలో జరిగిన ముంబై ఇండియన్స్-రాజస్థాన్ రాయల్స్ మ్యాచ్‌ను వీక్షించేందుకు దాదాపు 20 వేల మంది నిరుపేద చిన్నారులను ఆహ్వానించారు. క్రీడలు పిల్లల్లో ఆత్మవిశ్వాసం, క్రమశిక్షణ మరియు జట్టు భావనను పెంచుతాయని నీతా అంబానీ అన్నారు. ప్రస్తుతం ఈ కార్యక్రమానికి సంబంధించిన వీడియో సోషల్ మీడియాలో వైరల్ అవుతోంది.