భాష ఏదైనా.. ఫిర్యాదు ఇక సులభం: హైదరాబాద్ పోలీసుల కొత్త AI యాప్

హైదరాబాద్ సిటీ పోలీసులు దేశంలోనే తొలి ఏఐ ఆధారిత బహుభాషా ఫిర్యాదు నమోదు యాప్ ‘ఏఐ కాప్‌రైటర్’ను ప్రారంభించారు. ఈ యాప్‌ను హైదరాబాద్ సీపీ VC సజ్జనార్ బంజారాహిల్స్‌లోని టీజీఐసీసీసీలో ఆవిష్కరించారు. బాధితులు తమ మాతృభాషలో మాట్లాడితే, యాప్ వెంటనే దానిని టెక్స్ట్‌గా మార్చి అనువదించే సదుపాయం కల్పిస్తుంది.

తెలుగు, హిందీ, తమిళం, బెంగాలీ, మరాఠీ సహా 10కి పైగా భారతీయ భాషలను ఈ యాప్ గుర్తించగలదు. ఫిర్యాదు వివరాలు ఆటోమేటిక్‌గా PDF రూపంలో భద్రపరచడం, బాధితుడు–నిందితుడు–సాక్షుల మాటలను వేర్వేరుగా గుర్తించడం వంటి స్మార్ట్ ఫీచర్లు ఉన్నాయి. వలస కార్మికులు, పర్యాటకులు, మహిళలు, వృద్ధులకు భాషా సమస్య లేకుండా సేవలు అందించడమే ప్రధాన లక్ష్యంగా పోలీసులు తెలిపారు.