హిందూ ధర్మాన్ని సమర్థిస్తే మహిళలనే ఎందుకు విమర్శిస్తారు- కంగనా రనౌత్

నటి, బీజేపీ ఎంపీ కంగనా రనౌత్ పార్లమెంట్‌కు వెళ్తూ ఇన్‌స్టాగ్రామ్‌లో పోస్ట్ చేసిన వీడియోలో మత విశ్వాసాలు, వాటిపై సమాజంలో ఏర్పడే స్పందన గురించి తన అభిప్రాయాలను వెల్లడించారు. సినీ పరిశ్రమలోని మహిళలతో తనకు జరిగిన సంభాషణలను ప్రస్తావిస్తూ, చాలామంది నటీనటులు ఏదైనా ప్రత్యేక రాజకీయ సిద్ధాంతం లేదా మత వర్గంతో తమను తాము అనుసంధానం చేసుకోరని చెప్పారు. భారత రాజ్యాంగం ప్రతి ఒక్కరికీ లౌకిక సిద్ధాంతాన్ని లేదా తమకు నచ్చిన విశ్వాసాన్ని అనుసరించే స్వేచ్ఛను కల్పించిందని, ఆ హక్కును వినియోగించుకోవడంపై తనకు ఎలాంటి అభ్యంతరం లేదని పేర్కొన్నారు.

అయితే, హిందూ ధర్మాన్ని బహిరంగంగా సమర్థించే లేదా స్వీకరించే మహిళలపై ఎందుకు విమర్శలు వస్తాయని కంగనా ప్రశ్నించారు. ఇతర సిద్ధాంతాలను స్వేచ్ఛగా వ్యక్తం చేసినప్పుడు పెద్దగా అభ్యంతరాలు వ్యక్తం కావని, కానీ హిందూ ధర్మానికి మద్దతుగా మాట్లాడితే మాత్రం భిన్నమైన స్పందన కనిపిస్తోందని ఆమె అభిప్రాయపడ్డారు. ఈ వ్యాఖ్యలు సోషల్ మీడియాలో చర్చకు దారితీశాయి. వివిధ వర్గాల నుంచి అనుకూల, ప్రతికూల స్పందనలు వ్యక్తమవుతున్నాయి.