
షోస్

2026–27 విద్యా సంవత్సరానికి మెడికల్ పీజీ డిగ్రీ, డిప్లొమా కోర్సుల మేనేజ్మెంట్ కోటా ప్రవేశాలకు సంబంధించిన ప్రొవిజనల్ మెరిట్ జాబితాను కాళోజీ నారాయణరావు ఆరోగ్య విజ్ఞాన విశ్వవిద్యాలయం విడుదల చేసింది. మేనేజ్మెంట్ కోటాలో ప్రవేశాల కోసం దరఖాస్తు చేసుకున్న వారిలో అర్హత సాధించిన 1,611 మంది అభ్యర్థులతో ఒక జాబితాను ప్రకటించింది. అనర్హులైన అభ్యర్థుల వివరాలను మరో జాబితాలో పొందుపరిచింది.
ఇదే సమయంలో కాంపిటెంట్ అథారిటీ కోటా మెరిట్ జాబితాకు అనుబంధంగా మరో ఆరుగురు అభ్యర్థులతో కూడిన జాబితాను కూడా యూనివర్సిటీ విడుదల చేసింది. ప్రకటించిన జాబితాల్లో ఏవైనా తప్పులు లేదా అభ్యంతరాలు ఉంటే వెంటనే అధికారిక ఈమెయిల్ ద్వారా తెలియజేయాలని అభ్యర్థులను కోరింది. అందిన అభ్యంతరాలను పరిశీలించి, పరిష్కరించిన తర్వాత తుది మెరిట్ జాబితాను ప్రకటించనున్నట్లు వెల్లడించింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!