కల్కి భగవాన్ అంత్యక్రియలకు అధికారిక లాంఛనాలు..

తిరుపతి జిల్లాలో కల్కి భగవాన్ అంత్యక్రియలను ప్రభుత్వ అధికారిక లాంఛనాలతో నిర్వహించాలని నిర్ణయించారు. ఈ మేరకు సీఎస్ జె. శ్యామలారావు ఉత్తర్వులు జారీ చేశారు. అంత్యక్రియలకు అవసరమైన ఏర్పాట్లు చేయాలని తిరుపతి జిల్లా కలెక్టర్, ఎస్పీతో పాటు ఉన్నతాధికారులను ఆదేశించారు. మధ్యాహ్నం 2 గంటల నుంచి సాయంత్రం 6 గంటల వరకు అంత్యక్రియలు నిర్వహించనున్నారు.

బత్తులవల్లంలోని ఏకం క్షేత్రంలో కల్కి భగవాన్ మహా సమాధి నిర్వహించనున్నారు. అంత్యక్రియల నేపథ్యంలో ఏకం క్షేత్రం వద్ద అధికారులు భారీ ఏర్పాట్లు చేస్తున్నారు. కల్కి భగవాన్‌ను కడసారి చూసేందుకు ప్రముఖులు, భక్తులు తరలివస్తున్నారు. కార్యక్రమం సజావుగా జరిగేలా అధికారులు అన్ని ఏర్పాట్లను పర్యవేక్షిస్తున్నారు.