

ఆంధ్రప్రదేశ్ ముఖ్యమంత్రి చంద్రబాబు నాయుడు ఢిల్లీ పర్యటనకు వెళ్లారు. ఈ పర్యటనలో భాగంగా మధ్యాహ్నం కేంద్ర ఆర్థిక మంత్రి నిర్మలా సీతారామన్తో ఆయన సమావేశం కానున్నారు. ఈ భేటీలో రాయలసీమ హార్టికల్చర్ హబ్ ప్రాజెక్టుపై ప్రధానంగా చర్చించనున్నారు. ఇప్పటికే సిద్ధం చేసిన ఈ ప్రాజెక్టుకు సంబంధించిన ప్రతిపాదనలను కార్యరూపంలోకి తీసుకువచ్చే అంశంపై కేంద్ర మంత్రితో చర్చించనున్నట్లు సమాచారం. రాయలసీమ ప్రాంతంలో ఉద్యానవన రంగాన్ని మరింత అభివృద్ధి చేయడంతో పాటు రైతులకు ప్రయోజనం చేకూర్చేలా ప్రాజెక్టును ముందుకు తీసుకెళ్లడంపై సీఎం దృష్టి సారించనున్నారు.
మరోవైపు, ఎల్నినో ప్రభావం, తుపాను కారణంగా ఆంధ్రప్రదేశ్కు జరిగిన నష్టాన్ని కూడా చంద్రబాబు కేంద్ర ఆర్థిక మంత్రి దృష్టికి తీసుకెళ్లనున్నారు. ప్రకృతి విపత్తుల వల్ల రాష్ట్రానికి ఎదురైన ఆర్థిక భారాన్ని వివరించి, అవసరమైన ఆర్థిక సాయం అందించాలని కోరనున్నట్లు తెలుస్తోంది. ఈ పర్యటనలో ముఖ్యమంత్రితో పాటు రాష్ట్ర ఆర్థిక మంత్రి పయ్యావుల కేశవ్ కూడా ఢిల్లీకి వెళ్లారు. రాష్ట్ర అభివృద్ధి ప్రాజెక్టులు, ప్రకృతి విపత్తుల నష్టపరిహారానికి సంబంధించిన అంశాలపై ఈ సమావేశం ప్రాధాన్యత సంతరించుకుంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!