

తెలంగాణలో 2014కు ముందు వివిధ ప్రభుత్వ గృహ నిర్మాణ పథకాల కింద ఇళ్లు నిర్మించుకున్న పేదలకు రాష్ట్ర ప్రభుత్వం శుభవార్త చెప్పింది. గతంలో లబ్ధిదారుల నుంచి తీసుకున్న ఇంటి పట్టాలు, పొజిషన్ సర్టిఫికేట్లను తిరిగి అందించాలని నిర్ణయించింది. ఈ మేరకు అన్ని జిల్లాల కలెక్టర్లకు ఆదేశాలు జారీ చేసినట్లు రాష్ట్ర రెవెన్యూ, హౌసింగ్, సమాచార పౌర సంబంధాల శాఖ మంత్రి పొంగులేటి శ్రీనివాసరెడ్డి వెల్లడించారు. ముఖ్యమంత్రి రేవంత్ రెడ్డి సూచనల మేరకు తీసుకున్న ఈ నిర్ణయంతో రాష్ట్రవ్యాప్తంగా సుమారు 7 లక్షల మంది లబ్ధిదారులకు ప్రయోజనం కలగనుంది. దశాబ్దానికి పైగా తమ ఇంటి పత్రాల కోసం ఎదురుచూస్తున్న పేద కుటుంబాలకు ఈ నిర్ణయం ఊరటనివ్వనుంది.
గతంలో అమలైన గృహ నిర్మాణ పథకాలలో ప్రభుత్వ సబ్సిడీతోపాటు లబ్ధిదారుల వాటా, బ్యాంకు రుణాల ద్వారా ఇళ్ల నిర్మాణానికి ఆర్థిక సహాయం అందించేవారు. బ్యాంకు రుణాలకు హామీగా లబ్ధిదారుల ఇంటి పట్టాలను తనఖా పెట్టుకునేవారు. రుణ వాయిదాలు పూర్తిగా చెల్లించిన తర్వాత ఆ పట్టాలను తిరిగి అందించాల్సి ఉండేది. అయితే తెలంగాణ రాష్ట్రం ఏర్పడిన తర్వాత ఇందిరమ్మ గృహ నిర్మాణ పథకం నిలిచిపోవడంతో కొంతమంది లబ్ధిదారులకు పత్రాలు తిరిగి అందలేదు. ఈ సమస్యపై ముఖ్యమంత్రి దృష్టికి వచ్చిన విజ్ఞప్తుల నేపథ్యంలో ప్రభుత్వం చర్యలు చేపట్టింది. తహసీల్దార్ కార్యాలయాల్లో ఉన్న పట్టాలు, పొజిషన్ సర్టిఫికేట్లను అర్హులైన లబ్ధిదారులకు తిరిగి అందించాలని జిల్లా కలెక్టర్లను ఆదేశించినట్లు మంత్రి తెలిపారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!