హైదరాబాద్ క్లౌడ్ కిచెన్లపై ఫుడ్ సేఫ్టీ అధికారుల దాడులు..

హైదరాబాద్‌లోని పలు క్లౌడ్ కిచెన్లపై ఫుడ్ సేఫ్టీ అధికారులు దాడులు నిర్వహించారు. తెలంగాణ సేఫ్ ఫుడ్ వింగ్, ఎన్‌ఫోర్స్‌మెంట్ అధికారులు సంయుక్తంగా ఈ తనిఖీలు చేపట్టారు. కిచెన్లలో అపరిశుభ్రత, ఆహార భద్రతా నిబంధనల ఉల్లంఘనలపై వచ్చిన ఆందోళనల నేపథ్యంలో అధికారులు సోదాలు చేశారు. ఈ తనిఖీల్లో మొత్తం 15 బాక్సుల ఫుడ్ కలర్స్‌ను స్వాధీనం చేసుకున్నారు.

నిబంధనలు పాటించని క్లౌడ్ కిచెన్లపై అధికారులు చర్యలు ప్రారంభించారు. కొన్ని సంస్థలకు షోకాజ్ నోటీసులు జారీ చేయగా, మరికొన్ని కిచెన్లకు లోపాలను సరిదిద్దుకోవాలని సూచిస్తూ ఇంప్రూవ్‌మెంట్ నోటీసులు అందించారు. ఆహార తయారీ కేంద్రాల్లో పరిశుభ్రతను పాటించడం, నాణ్యమైన ఆహారాన్ని అందించడం, నిర్దేశించిన ఆహార భద్రతా ప్రమాణాలను అనుసరించడం తప్పనిసరని అధికారులు స్పష్టం చేశారు.