చాడ్ లీ క్లాస్ ఇంటిని బూడిద చేసిన అగ్నిప్రమాదం

దక్షిణాఫ్రికా ఒలింపిక్‌ చాంపియన్‌ స్విమ్మర్‌ చాడ్‌ లీ క్లాస్‌ తన ఇల్లు ఇటీవల జరిగిన అగ్నిప్రమాదంలో పూర్తిగా దగ్ధమైనట్లు వెల్లడించాడు. 34 ఏళ్ల లీ క్లాస్‌ గ్లాస్గో కామన్వెల్త్‌ క్రీడల్లో పురుషుల 4×100 మీటర్ల మెడ్లే రిలేలో కాంస్య పతకం సాధించి, కామన్వెల్త్‌ చరిత్రలో 21వ పతకాన్ని తన ఖాతాలో వేసుకున్నాడు.

ఈ విజయోత్సాహంలో ఉండగానే గత నెల 31న కేప్‌టౌన్‌లోని అతని అపార్ట్‌మెంట్‌ బ్లాక్‌లో అగ్నిప్రమాదం చోటుచేసుకుంది. దీంతో దశాబ్ద కాలంగా నివసిస్తున్న తన ఫ్లాట్‌ పూర్తిగా కాలిపోయిందని లీ క్లాస్‌ సోషల్‌ మీడియా వేదికగా ఆవేదన వ్యక్తం చేశాడు.