దీపావళికి ముందే ఢిల్లీలో విషపూరిత గాలి.. ఉక్కిరిబిక్కిరవుతున్న నగరవాసులు

దీపావళి పండుగకు ముందే దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరింది. నగరంలో ఎయిర్ క్వాలిటీ ఇండెక్స్ (AQI) 387గా నమోదైంది. దీంతో ఢిల్లీలో గాలి నాణ్యత 'చాలా దారుణమైన' స్థాయికి పడిపోయింది. పండుగ సమీపిస్తున్న సమయంలో కాలుష్యం పెరుగుతుండటంతో నగరవాసులు ఆందోళన చెందుతున్నారు.

పెరుగుతున్న వాయు కాలుష్యం ప్రజల ఆరోగ్యంపై తీవ్ర ప్రభావం చూపే అవకాశం ఉందని ఆందోళనలు వ్యక్తమవుతున్నాయి. ముఖ్యంగా చిన్నారులు, వృద్ధులు, శ్వాసకోశ సమస్యలు ఉన్నవారు అప్రమత్తంగా ఉండాల్సిన పరిస్థితి ఏర్పడింది. దీపావళి సమయంలో కాలుష్యం మరింత పెరగకుండా నియంత్రణ చర్యలు తీసుకోవాల్సిన అవసరం ఉందనే అభిప్రాయాలు వ్యక్తమవుతున్నాయి.