హైదరాబాద్‌లో డ్రగ్స్ కలకలం

హైదరాబాద్‌లోని కొండాపూర్ ప్రాంతంలోని ఓ పబ్‌లో నిర్వహించిన డ్రగ్ టెస్టులు కలకలం రేపాయి. పోలీసులు 64 మందికి పరీక్షలు నిర్వహించగా, అందులో 8 మందికి డ్రగ్ వినియోగం పాజిటివ్‌గా తేలినట్లు సమాచారం. వీరిలో కొందరు గంజాయి వినియోగించినట్లు గుర్తించగా, మరికొందరు ఇతర డ్రగ్స్ ఉపయోగించినట్లు తెలిసింది. ఈ ఘటన నగరంలో నైట్‌లైఫ్‌లో డ్రగ్స్ వినియోగంపై మళ్లీ చర్చకు దారితీసింది.

ఈ పార్టీలో టాలీవుడ్ సీనియర్ నటి హేమ కూడా పాల్గొన్నట్లు వార్తలు రావడంతో అనుమానాలు వ్యక్తమయ్యాయి. అయితే ఈ ఆరోపణలపై స్పందించిన ఆమె, తన డ్రగ్ టెస్టు రిజల్ట్ నెగెటివ్ వచ్చిందని వీడియో ద్వారా స్పష్టత ఇచ్చారు. పబ్‌లో తన యూరిన్ శాంపిల్ తీసుకున్నారని, తాను ఎలాంటి డ్రగ్స్ వినియోగించలేదని ఆమె పేర్కొన్నారు.