జంతర్ మంతర్‌లో నిరసనలకు బ్రేక్..

దేశ రాజధాని ఢిల్లీలో నిరసనలు, ప్రదర్శనలు నిర్వహించే ప్రాంతాలకు సంబంధించి ఢిల్లీ పోలీసులు కీలక మార్పును ప్రకటించినట్లు సమాచారం. నిరసనలకు ప్రసిద్ధి చెందిన జంతర్ మంతర్‌ను నిర్దేశిత నిరసన ప్రదేశాల జాబితా నుంచి తొలగించినట్లు వెల్లడించారు. ఢిల్లీ పోలీస్ కమిషనర్ అనురాగ్ కుమార్ ప్రకటన ప్రకారం, నిరసనల నిర్వహణ కోసం మూడు ప్రత్యామ్నాయ ప్రాంతాలను గుర్తించారు.

రాంలీలా మైదాన్, బురారీ మైదాన్, తూర్పు ఢిల్లీలోని సీబీడీ గ్రౌండ్‌లను కొత్త నిరసన ప్రదేశాలుగా ఎంపిక చేశారు. ఈ ప్రాంతాల్లో ప్రదర్శనలు నిర్వహించేందుకు అనుసరించాల్సిన విధానాలు, నిబంధనలపై త్వరలో ప్రత్యేక మార్గదర్శకాలు విడుదల చేయనున్నట్లు పోలీసులు తెలిపారు. కొత్త విధానం ఎప్పటి నుంచి అమల్లోకి వస్తుంది, నిరసనలకు అనుమతి పొందేందుకు ఎలాంటి నిబంధనలు పాటించాలి అనే అంశాలపై మరింత స్పష్టత రావాల్సి ఉంది.