జమ్ముకశ్మీర్‌లో క్లౌడ్‌బరస్ట్‌ బీభత్సం..

జమ్ముకశ్మీర్‌లోని అనంత్‌నాగ్ జిల్లాలో సంభవించిన క్లౌడ్‌బరస్ట్‌ తీవ్ర విధ్వంసానికి దారితీసింది. ఒక్కసారిగా పోటెత్తిన వరదలతో అనేక గ్రామాలు జలమయం అయ్యాయి. ఆపిల్ తోటలు, వరి పంటలు, నివాస ప్రాంతాలు నీటమునిగిపోవడంతో రైతులు, స్థానికులు తీవ్ర నష్టాన్ని ఎదుర్కొన్నారు.

భారీ వరదల కారణంగా పలుచోట్ల రహదారులు దెబ్బతిని రాకపోకలు పూర్తిగా నిలిచిపోయాయి. ప్రమాదకర ప్రాంతాల్లోని ప్రజలను అధికారులు ఖాళీ చేయించి తాత్కాలిక షెల్టర్లకు తరలించారు. సహాయక, సహాయ చర్యలు కొనసాగుతుండగా నష్టాన్ని అంచనా వేసే పనులను అధికారులు చేపట్టారు.