35 ఏళ్ల తర్వాత తీర్పు.. 85 ఏళ్ల వృద్ధుడికి జైలు శిక్ష

బీహార్ రాష్ట్రంలోని వైశాలి జిల్లా కోర్టు 35 ఏళ్లుగా పెండింగ్‌లో ఉన్న ఒక కేసులో 85 ఏళ్ల వృద్ధుడు దీప్ రాయ్‌కు మూడేళ్ల కఠిన కారాగార శిక్ష విధించింది. మంగళవారం వెలువడిన ఈ తీర్పుతో దశాబ్దాలుగా కొనసాగుతున్న న్యాయపోరాటానికి ముగింపు పలికింది. ఈ కేసు తీర్పు దేశవ్యాప్తంగా చర్చనీయాంశంగా మారింది.

తీర్పు వెలువరించిన న్యాయమూర్తి మానవతా దృక్పథాన్ని ప్రస్తావిస్తూ, నేరస్థుడు వృద్ధాప్యంతో పాటు శారీరక వైకల్యంతో బాధపడుతున్నాడని పేర్కొన్నారు. జైలులో కఠిన శిక్షను అనుభవించడం అతనికి కష్టసాధ్యమని అంగీకరించినప్పటికీ, నేరానికి తగిన శిక్ష విధించడం కూడా న్యాయవ్యవస్థ బాధ్యత అని స్పష్టం చేశారు. చట్టం ముందు అందరూ సమానమేనని ఈ తీర్పు మరోసారి చాటిచెప్పింది.