తెలంగాణలో పలు జిల్లాలకు నేడు వర్ష సూచన

తెలంగాణలోని పలు జిల్లాలకు వాతావరణ శాఖ నేడు వర్ష సూచన జారీ చేసింది. పశ్చిమ మధ్య బంగాళాఖాతం, ఉత్తర కోస్తాంధ్రపై కొనసాగుతున్న ఉపరితల ఆవర్తనం ప్రభావంతో రాష్ట్రంలో వర్షాలు కురిసే అవకాశం ఉందని తెలిపింది.

ఉమ్మడి ఆదిలాబాద్‌, కరీంనగర్‌, వరంగల్‌ జిల్లాలతో పాటు భద్రాద్రి, ఖమ్మం, కామారెడ్డి, మహబూబ్‌నగర్‌ జిల్లాల్లో వర్షాలు పడనున్నాయి. కొమురంభీం జిల్లా సిర్పూర్‌లో అత్యధికంగా 10.1 సెం.మీ వర్షపాతం నమోదవగా, నల్గొండ జిల్లా కట్టంగూరులో 8.0 సెం.మీ వర్షం కురిసింది.