అయోధ్య రామ మందిరం కేసు.. ఛార్జ్‌షీట్‌పై సిట్ కీలక ప్రకటన

అయోధ్య రామ మందిర విరాళాల దుర్వినియోగం ఆరోపణలపై దర్యాప్తు చేస్తున్న ప్రత్యేక దర్యాప్తు బృందం (సిట్) సుప్రీంకోర్టుకు కీలక సమాచారం ఇచ్చింది. ఈ కేసులో తొలి ఛార్జ్‌షీట్‌ను సెప్టెంబర్ 25లోగా దాఖలు చేస్తామని తెలిపింది. కేసులో తొలి అరెస్టులు జూన్ 26న జరగగా.. వాటి నుంచి లెక్కించే చట్టబద్ధమైన 90 రోజుల గడువు సెప్టెంబర్ 25తో ముగియనుంది. ఈ కేసులో ఇప్పటివరకు ఎనిమిది మందిని అరెస్టు చేశారు.

దర్యాప్తులో భాగంగా సీసీటీవీ ఫుటేజీ, నగదు లెక్కింపు రికార్డులు, సాక్షుల వాంగ్మూలాలు, ఇతర ఆధారాలను అధికారులు పరిశీలించారు. విరాళాల లెక్కింపు ప్రక్రియలో భద్రత, పర్యవేక్షణ లోపాలు, సీసీటీవీ పర్యవేక్షణలో గ్యాప్‌లు ఉన్నట్లు గతంలో సిట్ ప్రాథమిక నివేదికలో పేర్కొంది. అనంతరం సుప్రీంకోర్టు ఆదేశాలతో ఐపీఎస్ అధికారి నేతృత్వంలో కొత్త సిట్ ను ఏర్పాటు చేశారు.