అషు రెడ్డి కి హైకోర్టు లో బిగ్ రిలీఫ్ !

సినీ నటి అషు రెడ్డికు ఇటీవల జరిగిన వివాదంలో తెలంగాణ హైకోర్టు నుంచి పెద్ద ఊరట లభించింది. సోషల్ మీడియా మరియు కొన్ని మీడియా వేదికల్లో వస్తున్న తప్పుడు కథనాలపై ఆమె న్యాయపోరాటం సాగించగా, కోర్టు మధ్యంతర ఉత్తర్వులు జారీ చేస్తూ ఆమెకు రక్షణ కల్పించింది.

ఎన్నారై ఫిర్యాదు ఆధారంగా నమోదైన కేసు ప్రస్తుతం విచారణలో ఉంది. తన వ్యక్తిగత జీవితంపై నిరాధారమైన వార్తలను ప్రచారం చేయకుండా ఆదేశించాలని అషు రెడ్డి కోర్టును ఆశ్రయించారు. కోర్టు మీడియా, కంటెంట్ క్రియేటర్లకు తప్పుడు ప్రచారం చేయవద్దని స్పష్టం చేస్తూ, ఆమె ప్రైవసీని గౌరవించాలని ఆదేశించింది. అనంతరం ఆమె ఇన్‌స్టాగ్రామ్‌లో స్పందిస్తూ, అన్ని ఆరోపణలను ఖండించి, కోర్టు ఆదేశాలను ఉల్లంఘించే వారిపై కఠిన చర్యలు ఉంటాయని హెచ్చరించారు.