ఏఐ అభివృద్ధిపై అమెరికాలో ఆందోళనలు..

అమెరికాలోని శాన్‌ఫ్రాన్సిస్కోలో కృత్రిమ మేధస్సు (AI) అభివృద్ధిపై నిరసనలు చేపట్టారు. ఓపెన్‌ఏఐ, ఆంత్రోపిక్, గూగుల్ డీప్‌మైండ్ కార్యాలయాల ముందు ఆందోళన నిర్వహించిన నిరసనకారులు, అత్యాధునిక ఏఐ వ్యవస్థల అభివృద్ధిని తాత్కాలికంగా నిలిపివేసి కఠిన నియంత్రణలు అమలు చేయాలని డిమాండ్ చేశారు. ఉద్యోగాలు, సామాజిక భద్రత, ప్రజా ప్రయోజనాలపై ఏఐ ప్రభావం పెరుగుతుందనే ఆందోళనలను వారు వ్యక్తం చేశారు.

భద్రతా ప్రమాణాలు, పారదర్శకత, ప్రభుత్వ పర్యవేక్షణ లేకుండా ఏఐ అభివృద్ధి కొనసాగితే భవిష్యత్తులో తీవ్ర పరిణామాలు ఎదురయ్యే అవకాశం ఉందని నిరసనకారులు హెచ్చరించారు. ఏఐ వల్ల ఉద్యోగాలపై ప్రభావం పడకుండా చర్యలు తీసుకోవడంతో పాటు, బాధ్యతాయుతమైన ఏఐ అభివృద్ధికి ప్రాధాన్యత ఇవ్వాలని వారు ప్రభుత్వాలు, టెక్ కంపెనీలను కోరారు.