మండల, జడ్పీ ఎన్నికలకు ఏపీ సర్కార్‌ సన్నాహాలు..

ఆంధ్రప్రదేశ్‌లో జరగనున్న మండల, జడ్పీ ఎన్నికలకు ముందస్తు ఏర్పాట్లు వేగం పుంజుకున్నాయి. ఎన్నికల నిర్వహణలో భాగంగా పోలింగ్‌ కేంద్రాల ఎంపిక ప్రక్రియను సెప్టెంబర్‌ 14వ తేదీ నుంచి ప్రారంభించనున్నారు. స్థానిక సంస్థల ఎన్నికలకు ముందుగానే అవసరమైన మౌలిక సదుపాయాలు, పోలింగ్‌ కేంద్రాల ఏర్పాట్లను పూర్తి చేసే దిశగా అధికారులు చర్యలు చేపడుతున్నారు.

ఇదే క్రమంలో సెప్టెంబర్‌ 16న రాజకీయ పార్టీల ప్రతినిధులతో సమావేశం నిర్వహించనున్నారు. పోలింగ్‌ కేంద్రాల ఎంపికతో పాటు ఎన్నికల ఏర్పాట్లకు సంబంధించిన అంశాలపై ఈ సమావేశంలో చర్చించనున్నారు. రాజకీయ పార్టీలు తమ అభ్యంతరాలు, సూచనలను అధికారుల దృష్టికి తీసుకురానున్నాయి. స్థానిక సంస్థల ఎన్నికల ప్రక్రియకు సమయం దగ్గరపడుతుండటంతో అధికారులు ముందస్తు ఏర్పాట్లను ముమ్మరం చేస్తున్నారు.