మేడ్చల్ డిప్యూటీ కలెక్టర్ ఇంట్లో ఏసీబీ దాడులు

మేడ్చల్, రంగారెడ్డి జిల్లాల డిప్యూటీ కలెక్టర్ వంశీ మోహన్ నివాసంలో ఏసీబీ అధికారులు నిర్వహించిన తనిఖీలు సంచలనం సృష్టించాయి. ఈ సోదాల్లో వందల కోట్ల విలువైన ఆస్తులు ఉన్నట్లు అధికారులు గుర్తించినట్టు సమాచారం. ప్రభుత్వ భూముల వ్యవహారంలో అవకతవకలు జరిగాయన్న ఆరోపణల నేపథ్యంలో ఈ దాడులు చేపట్టారు.

అబ్దుల్లాపూర్ మెట్, పిగ్లీపురం ప్రాంతాల్లో సుమారు 8 ఎకరాల ప్రభుత్వ భూమిని అక్రమంగా తన మామ పేరు మీద రిజిస్ట్రేషన్ చేయించి రియల్ ఎస్టేట్ వ్యాపారికి అప్పగించినట్టు ఆరోపణలు ఉన్నాయి. గతంలో శేరిలింగంపల్లి సహా పలు ప్రాంతాల్లో ఆర్డీవోగా పనిచేసిన వంశీ మోహన్‌పై విచారణ కొనసాగుతోంది.