తప్పుడు ఐడీతో టీచర్‌పై అసభ్య పోస్టులు

మార్కులు తక్కువ వచ్చాయని మందలించిన మహిళా అధ్యాపకురాలిపై కోపంతో, ఓ విద్యార్థి సోషల్ మీడియాలో ఆమెను వేధించిన ఘటన వెలుగులోకి వచ్చింది. వన్‌టౌన్ సీఐ బి. సునిల్‌కుమార్ తెలిపిన వివరాల ప్రకారం, పట్టణంలోని ఓ ప్రైవేట్ కళాశాలలో ఇంటర్ చదువుతున్న అయాన్ (18)కు ఇటీవల జరిగిన పరీక్షల్లో తక్కువ మార్కులు వచ్చాయి. దీంతో అతడిని ఫిజిక్స్ బోధించే మహిళా అధ్యాపకురాలు మందలించింది.

ఆ కోపంతో విద్యార్థి గత నవంబర్ నుంచి ఇన్‌స్టాగ్రామ్‌లో తప్పుడు ఐడీ సృష్టించి ఆమెపై అసభ్యకర పోస్టులు పెడుతూ వేధింపులకు పాల్పడినట్లు పోలీసులు తెలిపారు. బాధితురాలి ఫిర్యాదు మేరకు కేసు నమోదు చేసిన పోలీసులు నిందితుడిని అరెస్టు చేశారు.