రికార్డులు సృష్టిస్తున్న ఆధార్ యాప్..

ఆధార్ సేవలను మరింత సులభతరం చేయడానికి తీసుకువచ్చిన ఆధార్ యాప్ వినియోగదారుల నుంచి విశేష ఆదరణ పొందుతోంది. ప్రారంభించిన కేవలం ఐదు నెలల వ్యవధిలోనే ఈ యాప్‌ను 3.1 కోట్ల మంది డౌన్‌లోడ్ చేసుకోవడం విశేషం. డిజిటల్ సేవల వినియోగం పెరుగుతున్న నేపథ్యంలో ఆధార్‌కు సంబంధించిన పలు సేవలను మొబైల్ ద్వారానే పొందేందుకు ప్రజలు ఆసక్తి చూపుతున్నట్లు ఈ గణాంకాలు సూచిస్తున్నాయి.

కొత్త ఆధార్ యాప్ ద్వారా ఇప్పటికే 40 లక్షల మంది తమ మొబైల్ నంబర్లను అప్‌డేట్ చేసుకున్నారు. అలాగే 8.5 లక్షల మంది తమ చిరునామాలను కూడా యాప్ సాయంతో మార్చుకున్నారు. సేవా కేంద్రాలకు వెళ్లాల్సిన అవసరం లేకుండా కీలక ఆధార్ సేవలను సులభంగా వినియోగించుకునే అవకాశం కల్పించడం వల్ల ఈ యాప్‌కు మంచి ఆదరణ లభిస్తున్నట్లు అధికారులు పేర్కొంటున్నారు.