810 కి.మీ రేంజ్‌తో వోల్వో ఈఎక్స్‌ 60 ఎలక్ట్రిక్ SUV ఆవిష్కరణ

వోల్వో కార్స్ సంస్థ తన సరికొత్త మధ్యశ్రేణి ఎలక్ట్రిక్ స్పోర్ట్స్ యుటిలిటీ వాహనం ఈఎక్స్‌ 60 ను ఆవిష్కరించింది. ఈ కారును పూర్తిగా ఛార్జ్ చేస్తే గరిష్టంగా 810 కిలోమీటర్లు వరకు ప్రయాణించవచ్చని కంపెనీ వెల్లడించింది. కేవలం 10 నిమిషాల ఛార్జింగ్‌తోనే 340 కిలోమీటర్లు వరకు వెళ్లగల సామర్థ్యం దీనికి ఉందని తెలిపింది. ఆల్‌వీల్ డ్రైవ్ మోడ్‌లోనూ ఒకసారి పూర్తిగా ఛార్జ్ చేస్తే 600 కిలోమీటర్లు వరకు దూసుకెళ్లవచ్చని పేర్కొంది.

ఎలక్ట్రిక్ వాహనాలపై ఉన్న ఛార్జింగ్ మౌలిక సదుపాయాల కొరత భయాలను తొలగించడమే లక్ష్యంగా ఈఎక్స్‌ 60 ను రూపొందించినట్లు వోల్వో ఈఎక్స్‌ 60 ప్రోగ్రామ్ హెడ్ అఖిల్ కృష్ణన్ తెలిపారు. ఈ నెల 21 న ఈ కారుకు సంబంధించిన ధర, ఇతర ముఖ్య వివరాలను వెల్లడించనున్నట్లు కంపెనీ తెలిపింది.