టెక్ రంగంలో మళ్లీ ఉద్యోగ కోతలు

ప్రముఖ నెట్‌వర్కింగ్ సంస్థ సిస్కో ఈ త్రైమాసికంలో సుమారు 4,000 మంది ఉద్యోగులను తొలగించనుంది. ఇది మొత్తం సిబ్బందిలో 5 శాతం కంటే తక్కువ. దీర్ఘకాలిక వృద్ధి లక్ష్యాల కోసం పెట్టుబడులు మళ్లించడానికి ఈ నిర్ణయం తీసుకున్నట్లు సీఈవో చక్ రాబిన్స్ తెలిపారు. ఈ త్రైమాసికంలో కంపెనీ 12 శాతం వృద్ధితో 15.8 బిలియన్ డాలర్ల ఆదాయం సాధించింది.

మైక్రోసాఫ్ట్‌కు చెందిన లింక్డ్‌ఇన్ సంస్థ సుమారు 875 మంది ఉద్యోగులను (5 శాతం) తొలగించనుంది. భవిష్యత్ అవసరాలకు అనుగుణంగా సంస్థను నిలదొక్కుకోవడానికి ఈ మార్పులు చేపట్టినట్లు తెలిపింది.

వాల్‌మార్ట్ సంస్థ 1,000 మంది ఉద్యోగులను తొలగించడం లేదా వేరే విభాగాలకు బదిలీ చేయనుంది. గ్లోబల్ టెక్నాలజీ మరియు ఆర్టిఫిషియల్ ఇంటెలిజెన్స్ బృందాలను విలీనం చేయడం దీని భాగం.