ప్రైవేట్ ఆపరేటర్లకు దీటుగా ఆఫర్లు ప్రకటిస్తున్న BSNL

ప్రస్తుత రోజుల్లో మొబైల్ వినియోగం ప్రతి ఒక్కరి జీవితంలో తప్పనిసరి అంశంగా మారింది. ప్రీపెయిడ్ వినియోగదారులకు వాలిడ్ రీఛార్జ్ లేకపోతే కాల్స్, ఇంటర్నెట్ సేవలు నిలిచిపోతాయి. ఒక్క రోజు ఆలస్యమైనా సేవలు నిలిపివేయడం వల్ల వినియోగదారులు ఇబ్బందులు ఎదుర్కొంటున్నారు. ఈ సమస్యలను నివారించేందుకు చాలా మంది దీర్ఘకాలిక వ్యాలిడిటీ ప్లాన్లను ఎంచుకుంటున్నారు. ముఖ్యంగా ఏడాది వ్యాలిడిటీ ఉన్న రీఛార్జ్ ప్లాన్లు మళ్లీ మళ్లీ రీఛార్జ్ చేసే ఒత్తిడిని తగ్గిస్తాయి.

ఈ నేపథ్యంలో ప్రభుత్వ రంగ టెలికాం సంస్థ భారత్ సంచార్ నిగమ్ లిమిటెడ్ (బీఎస్ఎన్ఎల్) నాన్ స్టాప్ కనెక్షన్ పేరుతో కొత్త ప్రీపెయిడ్ ప్లాన్‌ను ప్రవేశపెట్టింది. రూ. 2,399 ధరతో అందుబాటులో ఉన్న ఈ ప్లాన్‌కు 365 రోజుల వ్యాలిడిటీ ఉంది. ఇందులో రోజుకు 2జీబీ డేటా, అపరిమిత కాల్స్ మరియు రోజుకు 100 ఎస్ఎంఎస్‌లు లభిస్తాయి. ఈ ప్లాన్‌ను బీఎస్ఎన్ఎల్ సోషల్ మీడియా వేదికగా ప్రకటించింది. ప్రైవేట్ టెలికాం కంపెనీలైన జియో, ఎయిర్‌టెల్, వీఐ వార్షిక ప్లాన్లతో పోలిస్తే ఇది చాలా తక్కువ ధరకే లభిస్తోంది.