భారీగా తగ్గిన బంగారం, వెండి ధరలు

ఈరోజు బంగారం ధరలు భారీగా తగ్గి కొనుగోలుదారులకు ఊరటనిచ్చాయి. వరుసగా పెరుగుతూ వచ్చిన బంగారం ధరలు ఈరోజు యూటర్న్ తీసుకున్నాయి. ఉదయం 10 గంటల సమయానికి హైదరాబాద్, విజయవాడలో 24 క్యారెట్ల 10 గ్రాముల బంగారం ధర రూ.1,44,330గా నమోదైంది. నిన్నటితో పోలిస్తే రూ.1,850 తగ్గింది.

అలాగే 22 క్యారెట్ల 10 గ్రాముల బంగారం ధర రూ.1,32,300గా ఉండగా, ఇది రూ.1,700 తగ్గుదలను నమోదు చేసింది. మరోవైపు వెండి ధరలు కూడా భారీగా తగ్గాయి. హైదరాబాద్, విజయవాడల్లో కిలో వెండి ధర రూ.2,40,000గా ఉండగా, నిన్నటితో పోలిస్తే రూ.5,000 తగ్గింది.

తెలంగాణలోని హైదరాబాద్, వరంగల్, ఖమ్మం, నిజామాబాద్ నగరాల్లో బంగారం ధరలు ఒకే స్థాయిలో కొనసాగుతున్నాయి. అలాగే ఆంధ్రప్రదేశ్‌లోని విజయవాడ, విశాఖపట్నం, గుంటూరు, నెల్లూరు, తిరుపతి నగరాల్లో కూడా ఇదే ధరలు నమోదయ్యాయి.

దేశవ్యాప్తంగా కూడా బంగారం ధరలు దాదాపు ఒకే విధంగా ఉన్నాయి. చెన్నై, ముంబై, కోల్‌కతా, కేరళ వంటి నగరాల్లో 24 క్యారెట్ల 10 గ్రాముల బంగారం ధర రూ.1,44,330గా ఉండగా, ఢిల్లీలో రూ.1,44,480, అహ్మదాబాద్‌లో రూ.1,44,380గా నమోదైంది. కొనుగోలు చేసే ముందు స్థానిక మార్కెట్ ధరలను ఒకసారి పరిశీలించడం మంచిది.

గమనిక: బంగారం ధరలు తరచుగా మారుతుంటాయి. కాబట్టి ఆభరణాలు కొనుగోలు చేసే ముందు తాజా ధరలను మరోసారి సరిచూసుకోవడం మంచిది.